सरकार यी जनताले सफा पानी पिउन पाउँछन त ?

दार्चुलाको बेहरी गा वि सको देवस्थली गाउँका बसिन्दा अहिले पनि ५० घरधुरी भएको उक्त गाउँमा खानेपानीको स्रोतको अभावले वर्षायाममा जम्मा भएको तालको पानी पिएर जीवनयापन गरी रहेका छन ।

सबैले यही पानीको स्रोतमा भर पर्नु परेकोले पालैपालो मिलेर जर्किनमा पानी भर्छन । यहाँका बासिन्दाले यसरी सन्चय गरेको तालको पानी थिग्राएर पिउन र खाना पकाउनको लागि प्रयोग गर्छन अनी लुगा धुन, गाइबस्तुलाई खुवाउन पनि पुग्दैन । मानिसहरु नुहाउन त महिनौं कुर्न पर्ने हुन्छ ।

यहाँका बासिन्दाले कहिले सफा पिउने पानीको उपभोग गर्न पाउने हुन् ? यी बासिन्दा अन्य पानीको स्रोत नहुँदा यही फोहर पानी पिउन बाध्य छन् । सरकार यी जनताले सफा पानी पिउन पाउँछन त ?




तस्वीरः प्रकाशचन्द्र मिश्रको फेसबुकबाट